PREMSA   //   CONTACT   //   LETRA NÒVAS

• Acuèlh
• L'associacion
• Catalògue
• Occitania
• Lo grope
• Ligams

Mon panier

• Votre panier est vide.

 

Parallèlament a las recèrcas menadas, l'associacion a realisat fòrças publicacions, particularament dins l'encastre de la colleccion "Memòrias sonoras" que compta d'uèi mai de seissanta parucions : caissetas, libres, cofrets, disques compactes, filmes videò, cederòms, etc...
Son disponiblas en version bilinga (occitan-francés) e participan bravament a la difusion de la cultura occitana. Mantunas autras colleccions son tanben estada enançadas talas coma "Cosina nòstra" (libres de receptas occitanas), "Actes de collòqui", "Virolet" (contes musicals pels mainatges), colleccion "La Talvera" (disques del grop La Talvera), etc...

Colleccion "Memòrias sonòras"

Obratges tematiques, monografias, CD e caissetas audiò, constituisson aquesta colleccion centrada mai que mai sul patrimòni cultural occitan. Frucha de furgas en arquius e d'enquistas sul terren, se tracha d'una colleccion per tot public, rica en racontes de vida, en testimoniatges sus la vida de cada jorn, los sabers, las cresenças populàrias, mas tanben de contes, de cants, de musicas e paisatges sonòres. Compta al jorn d'auèi un seissantenat de publicacions.

Colleccion "Actes de collòqui"

Plan mai especializada, aquesta colleccion recampa los actes dels collòquis organizats per l'associacion a l'entorn de tèmas especifiques tocant las tradicions oralas e las musicas tradicionalas del domèni occitan e tanben d'autras regions del monde.

Colleccion "Virolet"

Es essencialament destinada als mainatges. Recampa jos la forma d'albums, illustrats d'un biais atractiu, de contes en occitan creat en partent d'unes racontes tradicionals. Cada album es accompanhat d'un CD encartat ont se mesclan dicha del conte, musicas e ambients sonòres.

Colleccion "Cosina nòstra"

Se tracha d'una colleccion bilinga per descobrir la cosina tradicionala occitana. Es un pesquièr de receptas e d'astúcias collectadas directament dins las cosinas carcinòlas, albigesas e roergatas per capitar, a l'anciana, las nòstras tradicionalas preparacions culinàrias.

Colleccion "La Talvera"

L'associacion recampa demest sos afogats mantunes musicians qu'al delà del repertòri tradicional occitan, prepausan un important repertòri de creacion. Aquestes cantaires e crabaires, aquestes gralaires e pifraires, clarinetistas e percussionistas o accordeonistas de diableta an ja dètz Cd a lor actiu als quals s'ajustan dos CD pels mainatges.

Autras publicacions

Se tracha aquí d'obratges que fan pas partida de las colleccions precedentas o publicadas en collaboracion ambe maites organismes...

Vestits e accessòris

L'associacion difusís atanben d'objectes identitaris divèrses (drapèus, camisets, pendentius, pòrtaclaus, etc...). Tantas causas ligadas a la cultura occitana e als seus imatges los mai emblematiques que siague.

© 2010 CORDAE/ La Talvera | CGV | Mencions Legalas | Crèdits | XHTML | CSS